काठमाडौं । फिफा विन्डोतर्फ दुई अन्तर्राष्ट्रिय मैत्रीपूर्ण फुटबल म्याच खेल्न ताजिकिस्तान पुगेको नेपालले आफ्नो पहिलो अन्तर्राष्ट्रिय मैत्रीपूर्ण फुटबल म्याचमा निरीहपुर्ण हार बेहोरेको छ ।

बुधबार ताजिकिस्तानको राजधानी दुशान्बे स्थित रिपब्लिकन सेन्ट्रल स्टेडियममा भएको खेलमा नेपालले घरेलु टोली ताजिकिस्तानसँग ४–० को हार बेहोरेको हो ।

पहिलो हाफ मै तीन गोल खाएर दबाबमा परेपछि नेपाललाई खेलमा फर्कन थप कठिन भएको थियो । खेलको दोस्रो हाफमा थप एक गोल खान पुगेपछि नेपाल घरेलु टोलीसँग निरीह बनन पुग्यो ।

नेपालले दोस्रो अन्तर्राष्ट्रिय मैत्रीपूर्ण फुटबल म्याच अन्तर्गत नोभेम्बर १६ तारीख (मंसिर १ गते) शनिबारका दिन अफगानिस्तानसँग खेल्ने कार्यक्रम छ ।

Photo: Tajikistan FA