काठमाडौं । जापानमा रहेका प्रवासी नेपालीहरुद्वारा स्थापित युएनए फुटसल टिम, नागोया, जापानको आयोजनामा आउँदो फेब्रुअरी १५ तारीखका दिन प्रथम युएनए फुटसल कप फाईभ ए साईड फुटसल प्रतियोगिता हुने भएको छ ।

प्रतियोगितामा सहभागिता जनाउन चाहने जापानमा रहेका इच्छुक नेपाली समुदायका फुटसल टोलीहरुका लागि टिमदर्ता पनि खुला गरिएको छ । साथै टिमदर्ता शुल्क ४९,९९९ जापानी येन तोकिएको पनि आयोजकले जानकारी दियो ।

प्रतियोगिताको विजेताले उपाधिसहित नगद ५,५५,५५५ जापानी येन हात पार्नेछ भने उपविजेता २,२२,२२२ जापानी येन हात पार्नेछ । त्यस्तै तेस्रो हुने टोलीले ४९,९९९ जापानी येन हात पार्दा चौथो स्थान हासिल गर्ने टोलीलाई पनि पुरस्कारको व्यवस्था गरिएको छ ।

त्यसैगरी प्रत्येक खेलको म्यान अफ दि म्याच र विधागततर्फ उत्कृष्ट हुने खेलाडीहरुलाई पनि नगदसहित उचित पुरस्कारको व्यवस्था गरिएको आयोजकले जानकारी दियो ।

साथै प्रतियोगिताको आधिकारिक मिडिया पार्टनगर गोलनेपाल डटकम रहेको छ । र, सबै खेलहरु प्रत्यक्ष प्रसारण समेत गर्नेछ ।