काठमाडौं । केही वर्ष यता नेपालको घरेलु फुटबलमा निर्णायक रेफ्रीको भूमिका व्यस्त र सक्रिय रहेका उमेब बिडारी नेपालको नयाँ फिफा रेफ्रीको रुपमा थपिएका छन् ।

फिफाले वर्ष सन् २०२५ का लागि सार्वजनिक गरेको १२ जना फिफा रेफ्री तथा सहायक रेफ्रीहरुमा उमेशको नाम पनि परेको हो । योसँगै धादिङ जिल्लाबाट फिफा रेफ्री बन्ने उमेश पहिलो र एक्ला रेफ्री समेत बनेका छन् ।

यसपटक फिफा रेफ्रीको सूचीबाट पछिल्ला वर्षहरुमा नियमित पर्दै आएका अनुभवी रेफ्री कबिन व्यञ्जनकारको नाम हटेको छ । फिफाले सन् २०२५ का लागि निकालेको नेपाली फिफा रेफ्रीहरुमा उमेश बिडारीसँगै श्यामलाल दनुवार, नबिन्द्र महर्जन, प्रज्ज्वल क्षेत्री र अन्जना राई रहेका छन् ।

त्यस्तै सहायक रेफ्रीहरुमा ननिराम थापा, किशन यादव, सहदेव श्रेष्ठ, माधव खत्री, हरिष कार्की, प्रकाश भुजेल र मेरिना धिमाल रहेका छन् ।