काठमाडौं । बिहीबारदेखि शुरु भएको एन्फा महिला लिग राष्ट्रिय फुटबल प्रतियोगितामा उपाधिको दावेदार मध्ये एक त्रिभुवन आर्मी फुटबल क्लबले विजयी शुरुवात गरेको छ ।

सातदोबाटो स्थित एन्फा कम्प्लेक्समा भएको उद्घाटन खेलमा आर्मीले बागमती युवा क्लबलाई शून्यका विरुद्ध २ गोलले हराउँदै विजयी शुरुवात गरेको हो ।

आर्मीको जितमा दुवै गोल बिमला चौधरीले गरीन् । बिमला नै खेलको प्लेयर अफ दि म्याच समेत घोषित भईन् । त्यसअघि प्रतियोगिताको उद्घाटन काठमाडौं महानगरपालिकाकी उपमेयर सुनिता डंगोलले गरेकी थिईन् ।