काठमाडौं । सिक्किमको जोरेथाङमा जारी १०औं अल इण्डिया चिफ मिनिस्टर गोल्डकप अन्तर्राष्ट्रिय फुटबल प्रतियोगितामा उत्कृष्ट जित हात पार्दै चर्च ब्वाईज युनाइटेड सेमिफाइनलमा प्रवेश गरेको छ ।

जोरेथाङ रंगशालामा भएको क्वाटरफाइनलतर्फ चर्च ब्वाईजले जर्ज टेलिग्राफ, कोलकातालाई शून्यका विरुद्ध ४ गोलले हराउँदै अन्तिम चारमा प्रवेश गरेको हो ।

खेलमा उत्कृष्ट प्रदर्शन गरेका चर्च ब्वाईज युनाइटेडका समिर तामाङ म्यान अफ दि म्याच घोषित भए । उनले पुरस्कार वापत नगद १० हजार भारतीय रुपैयाँ र ट्रफी हात पारे ।