काठमाडौं । एएफसी कपको प्रारम्भिक छनौट खेलतर्फ पहिलो राउण्डको खेलमा त्रिभुवन आर्मी फुटबल क्लब र श्रीलंका पुलिस एससी भिड्दै छन् । जुन खेल दशरथ रंगशालामा हुने यसअघि नै घोषणा भइसकेको छ ।

यसैबीच यहि चैत्र २५ गतेका दिन हुने सो खेलको टिकट मुल्य पनि अखिल नेपाल फुटबल संघ (एन्फा) ले घोषणा गरेको छ । एन्फाका अनुसार आर्मी र श्रीलंका पुलिसबीच हुने सो खेलको टिकट मुल्य ३ सय र ५ सय तोकिएको छ ।

साथै दर्शकहरुले उक्त खेलको टिकटहरु रंगशालामा रहेको गेटबाट छिटै खरिद गर्न सकिने समेत जनाएको छ । त्यस्तै सो खेल शुरु हुने समय ५ः३० बजेदेखि रहेको पनि एन्फाले जनाएको छ ।

स्मरण रहोस, आर्मीले २५ चैत्रका दिन हुने खेलमा श्रीलंका पुलिसलाई हराउन सफल भए प्रारम्भिक छनौटको दोस्रो राउण्डमा चर्चित भारतीय क्लब बेंगलुरु एफसीसँग खेल्ने बताइएको छ ।

आर्मीका टिम व्यवस्थापक बिकास मल्लले श्रीलंका पुलिस राम्रो टिम रहेको र उनीहरुसँग बिदेशी खेलाडीहरु समेत रहेको चर्चा गर्दै आफूहरुको योजना दोस्रो चरणमा पुग्ने रहेको पनि स्पष्ट पारे ।