काठमाडौं । साउदी अरेबियामा हुने सन् २०२७ को प्रतिष्ठित एएफसी एसियन कपको तेस्रो चरणको छनौट प्रतियोगितातर्फ नेपाल समूह एफमा परेको छ । एएफसीले सोमबार निकालेको फाइनल ड्र अनुसार नेपाल समूह एफमा परेको हो ।

जहाँ नेपालले बलिया टोलीहरु भियतनाम, मलेसियासँगै लाओससँग खेल्नेछ । समूहमा रहेको प्रत्येक टोलीले एक अर्कासँग होम एण्ड अवेका आधारमा खेल्नेछन् ।

तेस्रो चरणको छनौट प्रतियोगितामा सहभागि कुल २४ टोलीहरुलाई ६ समूहमा विभाजन गरिएको छ । प्रत्येक समूहको शिर्ष स्थान हासिल गर्ने एक टोली मात्र सन् २०२७ को एसियन कपका लागि छनौट हुनेछ ।

साथै छनौट प्रतियोगिताका खेलहरु सन् २०२५ को मार्चदेखि सन् २०२६ को मार्चसम्म चल्ने पनि एएफसीले जनाएको छ ।