
काठमाडौं । अखिल नेपाल फुटबल संघ (एन्फा) ले आगामी मार्चमा नेपालले तीन देश सम्मिलित अन्तर्राष्ट्रिय फुटबल प्रतियोगिता गर्ने घोषणा गरेको छ । प्रतियोगितामा नेपालसहित बंगलादेश र किर्गिस्तानले सहभागिता जनाउने छ ।
यद्यपि एन्फाका अनुसार किर्गिस्तानको यु–२३ ओलम्पिक फुटबल टोलीले प्रतियोगितामा प्रतिस्पर्धा गर्ने बताइएको छ । प्रतियोगिता यहि आउँदो २२ देखि ३० मार्चसम्म हुनेछ ।
राउण्ड–रोबिनका आधारमा हुने प्रतियोगितामा शिर्ष दुई टोली फाइनलमा प्रवेश गर्नेछन् । यो प्रतियोगितालाई विश्व फुटबलको सर्वोच्च निकाय फिफाले पनि मान्यता दिएको छ । यसको अर्थ यो प्रतियोगिताको प्रदर्शनले तीनै देशको फिफा वरियतामा पनि अर्थ राख्नेछ ।
प्रतियोगिताका सबै खेलहरु काठमाडौं स्थित दशरथ रंगशालामा हुनेछन् । स्मरण रहोस, नेपालले खेल्ने भनिएको फिफा विश्वकप२०२२ र एएफसी एसियन कप २०२३ को छनौट खेलहरु फेरि स्थगित भएपछि एन्फाले यो अन्तर्राष्ट्रिय फुटबल प्रतियोगिताको आयोजना गर्ने जमर्को गरेको हो ।
- नेपाली यु–२३ टोलीको सहायक प्रशिक्षकमा धिमाल, गोलकिपिङ प्रशिक्षकमा महर्जन र म्यानेजरमा श्रेष्ठ नियुक्त
- सायम अन्तरकलेज फुटसलमा २८ टोलीहरु सहभागि हुने
- दोस्रो हिमालयन फुटसल गोल्डकप साउन तेस्रो साता, विजेताले ३ लाख पाउने
- गोलनेपालकर्मी बिक्रम बानियाँले खेलकुद पत्रकार प्रोत्साहन पुरस्कार पाउने तय
- एसएमसी एसइइ कप हुँदै