
सुकचर । सहज जित निकाल्दै पूर्वाञ्चल युनाइटेड फुटबल क्लब, सुन्दरहरैचा यहाँ जारी चौथो बुढिगंगा सुकचर च्यालेञ्ज कप खुला नकआउट फुटबल प्रतियोगिताको सेमिफाइनलमा प्रवेश गरेको छ ।
दोस्रो क्वाटरफाइनलतर्फ पूर्वाञ्चलले राजाबास फुटबल क्लब, राजाबासलाई शून्यका विरुद्ध ५ गोलको अन्तरले हराउँदै अन्तिम चारमास्थान पक्का गरेको हो ।
पूर्वाञ्चलको जितमा बबिन बोहराले दुई गोल गर्दा पुजन चौधरी, रोमन कार्की र योगेनकार्कीले समान एक–एक गोल गरे । खेलमा पूर्वाञ्चलका लागि दुई गोल गरेका बबिन बोहरा म्यान अफ द म्याच चुनिए ।
प्रतियोगिता अन्तर्गत असोज १ गते मंगलबारको तेस्रो क्वाटरफाइनल खेल एपिएफ पकली, सुनसरी र आयोजक नव युवा क्लब, सुकचर बीच हुने आयोजकले जानकारी दियो ।
नव युवा क्लब, बुढिगंगा–६, सुकचरको आयोजना तथा बुढिगंगा गाउँपालिका, मोरङ र बुढिगंगा गाउँपालिका वार्ड नम्बर ६ को कार्यालयको संयोजनामा जारी प्रतियोगिताको विजेताले उपाधिसहित नगद १ लाख १ हजार हात पार्नेछ भने उपविजेताले ५१ हजार प्राप्त गर्नेछ । फाइनल खेल असोज ५ गतेका दिन हुनेछ ।
- युथ लिगः संकटा, मच्छिन्द्र र पुलिसको जित
- एन्फा यु-१६ युथ लिग शुरु, मनाङ र आर्मीको विजयी शुरुवात
- रोहित चन्दद्वारा बुटवल एन्फा एकेडेमीको अवलोकन र भेटघाट
- सातौं लो–छोग्याल जिग्मे मोमोरियल कपको नयाँ मिति तय
- नेपाली यु–२३ टोलीको सहायक प्रशिक्षकमा धिमाल, गोलकिपिङ प्रशिक्षकमा महर्जन र म्यानेजरमा श्रेष्ठ नियुक्त