दियोबजार । आयोजक हिमालय फुटबल क्लब, दियोबजार जारी १६औं कञ्चन कप खुला नकआउट फुटबल प्रतियोगिताको क्वाटरफाइनलमा प्रवेश गरेको छ ।

मंगलबार भएको अन्तिम प्रिक्वाटरफाइनलमा हिमालयले इभोलुशन क्लब अफ बुटवल, तामनगरलाई शून्यका विरुद्ध ३ गोलले हराउँदै अन्तिम आठमा प्रवेश गरेको हो ।

हिमालयको जितमा बिनय गायक, विश्व थापा र बसन्त थापाले गोल गरे । खेलको म्यान अफ दि म्याच हिमालय कै गोलकर्ता बिनय गायक घोषित भए ।

प्रतियोगिता अन्तर्गत फागुन ७ गते बुधबारको पहिलो क्वाटरफाइनल खेल फर्साटिकर युवा क्लब, फर्साटिकर र चाँदनी युवा क्लब, दानापुरबीच हुने खेल संयोजक संजय विश्वकर्माले जानकारी दिए ।

हिमालय सामुदायिक विकास केन्द्र, कञ्चन–४, दियोबजारको आयोजनामा जारी प्रतियोगिताको विजेताले उपाधिसहित नगद २ लाख १ हजार हात पार्नेछ भने उपविजेताले १ लाख १ हजार प्राप्त गर्नेछ । फाइनल खेल यही फागुन १४ गतेका दिन हुनेछ ।