काठमाडौं । ललित स्मृति यु–१८ युथ लिग फुटबल प्रतियोगितामा बिहीबार एक खेलमा स्पष्ट नतिजा निस्किदा अर्को खेल बराबरीमा टुंगिएको छ ।

एन्फा कम्प्लेक्समा भएको पहिलो खेलमा विभागीय टोली एपिएफ फुटबल क्लबले मनाङ मस्र्याङ्दी क्लबमाथि १–० को जित निकाल्यो ।

यो नतिजापछि एपिएफ १७ खेलबाट २९ अंकका साथ लिगतालिकाको शिर्ष पाँचभित्र उक्लिएको छ । पराजित मनाङ भने २५ अंकका साथ लिगतालिकाको मध्यतिर छ ।

अर्को खेलमा जावलाखेल युथ क्लब र थ्रीस्टार फुटबल क्लबले १–१ गोलको बराबरी खेल्दै अंक बाँडे । यो नतिजापछि १७ खेलबाट ३० अंकका साथ थ्रीस्टार शिर्ष तीन कै होडमा छ । जावलाखेल भने २३ अंकका साथ पुछारको टोलीहरुभन्दा केही माथि रहेको छ ।