काठमाडौं । नेपाली राष्ट्रिय पुरुष फुटबल टोलीका स्टार फरवार्ड अन्जन बिष्टले हाल भारतमा जारी प्रतिष्ठित डुरान्ड कपमा नयाँ क्लबका खेलेका छन ।

नेपालको घरेलु फुटबल अहिले शून्य जस्तै रहेको बेला अन्जन भने डुरान्ड कपमा चर्चित आई लिग क्लब रियल कास्मिर एफसीका लागि मैदानमा उत्रिएका हुन ।

डुरान्ड कपतर्फ समूह एफमा रहेको रियल काश्मिरले सोमबार समूह चरणको दोस्रो खेल खेल्दा अन्जनले काश्मिरका लागि पहिलो रोजाई मै उत्रिएर खेले ।

ट्राउ एफसी विरुद्धको सो खेलमा रियल काश्मिर २-१ ले विजयी समेत बन्यो । काश्मिरले आफ्नो अन्तिम तथा निर्णायक खेलमा १० अगस्तका दिन नेरोकासँग खेल्नेछ ।

काश्मिरले अन्जनलाई डुरान्ड कप कै लागि मात्र अनुवन्ध गरेको हो वा नयाँ सिजनका लागि पनि हो?, यसबारे भने खुलाईएको छैन ।

स्मरण रहोस, अन्जनले अन्तिमपटक सन २०२३/२४ को आई लिग सिजन मुम्बई केन्क्रे एफसीबाट खेलेका थिए ।