काठमाडौं । ताजिकिस्तानमा जारी एएफसी यु–२३ एसियन कप छनौटतर्फ समूह के मा रहेको नेपालले समूह चरणतर्फको आफ्नो दोस्रो खेलमा पनि हार बेहोरेको छ ।

शनिबार भएको समूह चरणतर्फको आफ्नो दोस्रो खेलमा नेपालले सिरियासँग ४–२ को हार बेहोरेको हो । नेपालका लागि निराजन धामी र सुमित श्रेष्ठले गोल गरेका थिए ।

स्मरणीय छ, नेपालले आफ्नो पहिलो खेलमा घरेलु टोली ताजिकिस्तानसँग ४–० को हार बेहोरेको थियो । त्यस्तै सिरियाले भने फिलिपिन्समाथि २–१ को जित निकालेको थियो ।