काठमाडौं । दक्षिण एसियाली फुटबलका दुई चिरप्रतिद्वन्द्वी नेपाल र भारतको राष्ट्रिय महिला फुटबल टोली फेरि अन्तर्राष्ट्रिय फुटबलमा आमने सामने हुने भएका छन ।

एन्फाले आधिकारिक रुपमा जनाए अनुसार नेपालले भारतसँग आउँदो अक्टुबर २६ तारीख (कार्तिक ९ गते) का दिन सिक्किममा खेल्ने तय भएको हो ।

नेपाल र भारत एएफसी महिला एसियन कप छनौट प्रतियोगितापछि पहिलोपटक आमने सामने हुन लागेका हुन् । स्मरण रहोस, भारत भने एएफसी महिला एसियन कपका लागि छनौट भईसकेको छ । नेपाल समूह चरणबाटै बाहिरिएको थियो ।