काठमाडौं । गत संस्करणको उपविजेता समेत रहेको बंगलादेश जारी साफ यु–१७ च्याम्पियनसिपको फाइनलमा प्रवेश गर्ने पहिलो टोली बनेको छ । बिहीबार सम्पन्न पहिलो सेमिफाइनलमा बंगलादेशले पाकिस्तानलाई २–० ले हराउँदै उपाधि नजिक पुगेको हो ।

कोलम्बो रेसकोर्ष स्टेडियममा भएको खेलमा बंगलादेशका लागि खेल शुरु भएको तेस्रो मिनट मै नजमुल हुडा फैसलले पहिलो गोल गरेका थिए । लगतै चौथो मिनटमा मोहमद ओपु रहमानले बंगलादेशका लागि दोस्रो गोल गरे । जुन दुई गोल नै खेलको निर्णायक नतिजा बन्यो ।

बंगलादेशले अब बिहीबार राती नै हुने दोस्रो सेमिफाइनलतर्फ साविक विजेता भारत र नेपालबीचको विजेतासँग फाइनल खेल्नेछ । फाइनल खेल भने २७ सेप्टेम्बरका दिन हुनेछ ।