काठमाडौं । नेपाली राष्ट्रिय महिला फुटबल टोलीकी नियमित सदस्य तथा अनुभवी गोलरक्षक अन्जिला तुम्बापो सुब्बाले फेरि भारतको शिर्ष महिला लिग खेल्ने भएकी छिन् ।

अन्जिलालाई उनकै पूर्व क्लब सेथु एफसीले नयाँ सिजनका लागि अनुवन्ध गरेको हो । स्मरण रहोस, अन्जिलाले सेथुका लागि सन् २०२३–२४ को सिजनमा पनि खेलेकी थिईन् । नयाँ आई लिग सिजन आउँदो नोभेम्बरदेखि शुरु हुँदैछ ।

सेथुमा आवद्ध हुनु अघि अन्जिलाले आफ्नै पुरानो क्लब एपिएफमा आवद्ध रहेर हालै एएफसी महिला च्याम्पियन्स लिगको प्रारम्भिक चरणको छनौट प्रतियोगिता पनि खेलेकी थिईन् ।

त्यसअघि गत सिजन उनले ग्रीसको शिर्ष लिग खेल्ने क्लब निस अट्रो मिटौका लागि पनि खेलेकी थिईन् । त्यसो त, अन्जिला फेरि पनि युरोपियन क्लबमै व्यवसायिक फुटबल खेल्ने योजनामा रहेको समेत बताइएको छ ।