झिलझिले । स्वर्गीय पवन राई स्मृति तेस्रो अन्तर प्रदेश नकआउट भेटेरान्स फुटबल प्रतियोगिताअन्तर्गत आज भएको रोमाञ्चक खेलमा झिलझिले भेटेरान्स क्लबले डीएफसी भेटेरान्स क्लब (भारत) लाई एकतर्फी नतिजामा पराजित गर्दै उत्कृष्ट जित हासिल गरेको छ।

झिलझिले फुटबल मैदानमा सम्पन्न खेलमा घरेलु टोली झिलझिले भेटेरान्स क्लबले सुरुवातदेखि नै आक्रामक प्रदर्शन गर्दै पूर्ण समयको अन्त्यमा ७–० को विशाल अन्तरले जित दर्ता गर्‍यो।

झिलझिलेका कृष्ण शाक्यले उत्कृष्ट प्रदर्शन गर्दै ४ गोल गरे भने टोलीका कप्तान जसु राईले ३ गोल गर्दै टोलीलाई सहज जित दिलाए। विपक्षी डीएफसी भेटेरान्स क्लब (भारत) खेलभरि नै झिलझिलेको आक्रमण रोक्न असफल रह्यो।

उत्कृष्ट प्रदर्शनको आधारमा कृष्ण शाक्य (झिलझिले) लाई म्यान अफ द म्याच घोषित गरिएको छ।