काठमाडौं । थाइल्याण्डमा मंगलबारदेखि शुरु भएको पहिलो साफ महिला फुटसल च्याम्पियनसिपतर्फ नेपालले बराबरी खेल्दै प्रतियोगितामा सुस्त शुरुवात गरेको छ ।

लिग चरणको आफ्नो पहिलो खेलमा नेपालले श्रीलंकासँग २–२ गोलको बराबरी खेलेको हो । नेपालले आफ्नो दोस्रखे खेल १५ जनवरीका दिन माल्दिभ्ससँग खेल्नेछ । माल्दिभ्सले मंगलबार नै भएको उद्घाटन खेलमा भारतसँग १–११ को हार बेहोरेको थियो ।

त्यसैगरी मंगलबार नै भएको दोस्रो खेलमा पाकिस्तान र भुटानले १–१ गोलको बराबरी खेल्दै अंक बाँडेका थिए ।

प्रतियोगितामा दक्षिण एसियाका सातै देशका महिला फुटसल टोलीहरु सहभागि छन् । सिंगल राउण्ड रोबिनका आधारमा हुने प्रतियोगिताको शिर्ष टोली विजेता बन्नेछ ।