काठमाडौं । थाइल्याण्डमा शुरु भएको साफ पुरुष फुटसल च्याम्पियनसिपतर्फ पहिलो दिन बुधबार तीन खेलहरु सम्पन्न भएका छन् ।

दिनको पहिलो खेलमा भुटान र श्रीलंकाले ३–३ गोलको रोमाञ्चक बराबरी खेल्दै अंक बाँडे । त्यस्तै दोस्रो खेलमा भारत र बंगलादेशले पनि ४–४ गोलको बराबरी खेल्दै अंक बाँडे । दिनको अन्तिम खेलमा भने माल्दिभ्सले पाकिस्तानमाथि ७–१ को उत्कृष्ट जित हात पार्यो ।

प्रतियोगितामा दक्षिण एसियाका सातै देशका फुटसल टोलीहरु सहभागि छन् । नेपालले आफ्नो पहिलो खेल जनवरी १६ तारीख शुक्रबारका दिन श्रीलंकासँग खेल्दै प्रतियोगिताको शुरुवात गर्नेछ । सिंगल राउण्ड रोबिनका आधारमा हुने प्रतियोगिताको शिर्ष टोली विजेता बन्नेछ ।