काठमाडौं (एजेन्सी) । रोमाञ्चक र प्रतिस्पर्धात्मक जितका साथ इण्डोनेसियामा सम्पन्न १८औं एएफसी फुटसल एसियन कपको उपाधि लगातार दोस्रोपटक साविक विजेता इरानले जितेको छ ।

फाइनलमा घरेलु टोली इण्डोनेसियामाथि पेनाल्टी शुटआउटमा संघर्षपूर्ण जित निकाल्दै इरान समग्रका किर्तिमानी १४औं पटक एसियाको फुटसल च्याम्पियन बन्ने एक्लो टोली समेत बनेको हो ।

निर्धारित समयको खेल रोमाञ्चक ५–५ गोलको बराबरीमा सकिएपछि पेनाल्टी शुटआउटमा इरानसँग कडा चुनौति पस्किएको घरेलु टोली इण्डोनेसिया ५–४ ले निराश बन्न पुग्यो ।