त्रियुगा । एकतर्फी जितका साथ विभागीय टोली त्रिभुवन आर्मी फुटबल क्लब उदयपुरमा जारी एन्फा महिला च्याम्पियनसिपको सेमिफाइनलमा प्रवेश गरेको छ ।

सोमबार भएको क्वाटरफाइनलतर्फ आर्मीले एनआरटीलाई ६–१ को फराकिलो अन्तरले हराउँदै अन्तिम चारमा प्रवेश गरेको हो । आर्मीको जितमा जेनिफर राना मगरले ह्याट्रिक गर्दा सपना लामाको नाममा दुई गोल रह्यो । थप एक गोल भने दीपा राईले गरीन् । उता पराजित एनआरटीका लागि भने कविता गुरुङले एक मात्र गोल गरेकी थिईन् ।

खेलमा ह्याट्रिक गरेकी आर्मीकी जेनिफर राना मगर प्लेयर अफ दि म्याच बनिन् । आर्मीले अब फागुन ६ गते हुने सेमिफाइनलमा अर्को विभागीय र दावेदार टोली नेपाल पुलिस क्लबसँग खेल्नेछ । प्रतियोगिता अन्तर्गत फागुन ५ गते मंगलबारको अन्तिम क्वाटरफाइनल खेल चर्च ब्वाईज युनाइटेड क्लब र संकटा फुटबल क्लबबीच हुनेछ ।