काठमाडौं । एन्फा राष्ट्रिय लिग फुटबल प्रतियोगिता अन्तर्गत मंगलबार भएका दुई खेलहरु मध्ये एक खेलमा जित र अर्को खेलमा बराबरीको नतिजा निस्किएको छ ।

एन्फा कम्प्लेक्समा भएको दिनको पहिलो खेलमा चर्च ब्वाईजले त्रिभुवन आर्मी फुटबल क्लबलाई २–१ ले हराउँदै आफ्नो खातामा महत्वपूर्ण तीन अंक जोड्न सफल भयो । चर्च ब्वाईजको जितमा आवायोमी फाकुन्ले र रोहन कार्कीले गोल गरे भने आर्मीका लागि नवयुग श्रेष्ठले गोल गरेका थिए ।

त्यस्तै एन्फा कम्प्लेक्स मै मंगलबार भएको दोस्रो खेलमा फ्रेण्डस क्लब र चित्लाङ फुटबल क्लबले गोलरहित बराबरी खेल्दै अंक बाँडेका छन् ।