काठमाडौं । अखिल नेपाल फुटबल संघ (एन्फा) ले नेपाली राष्ट्रिय पुरुष फुटबल टोलीको सहायक प्रशिक्षकमा बालगोपाल साहुखल र चेतकुमार घिमिरेलाई नियुक्त गरेको छ ।

त्यस्तै टिम म्यानेजरमा मदनलाल श्रेष्ठ नियुक्त भएका छन् भने सहायक टिम म्यानेजरमा राजीव कुमार यादव नियुत्तः भएका छन् । त्यस्तै परफरमेन्स एनालिस्टमा पंकज शाहीलाई नियुक्त गरिएको छ ।

नियुक्त भएका सबैलाई एक कार्यक्रमका बीच एन्फा महासचिव किरन राईले नियुक्तिपत्र हस्तान्तरण गरे । उता टोलीको मुख्य प्रशिक्षकमा यसअघि नै स्वीजरल्याण्डका गुग्लिएल्मो एरेना नियुक्त भईसकेका छन् ।

स्मरण रहोस, नेपालले यही मार्च २६ तारीखका दिन हङकङसँगै घरेलु मैदान दशरथ रंगशाला मै अन्तर्राष्ट्रिय मैत्रीपूर्ण म्याच खेल्दैछ ।