माडी । योङ स्टार क्लब, माडी–३, पौहारीको आयोजना तथा बसन्तपुर युनाइटेड क्लब र बसन्तपुर युथ क्लब, माडी–३, चितवनको सह–आयोजनामा आउँदो नयाँ वर्षको बैशाख १ देखि ५ गतेसम्म पाँचौं न्यु इयर कप माडी स्तरीय फुटबल पतियोगिता हुने भएको छ ।

बसन्तपुरको खेलमैदानमा हुने प्रतियोगितामा सहभागिता जनाउन चाहने इच्छुक क्लबहरुका लागि चैत्र २९ गतेसम्म टिमदर्ता खुला गरिएको छ । साथै टिमदर्ता शुल्क ४००० तोकिएको पनि आयोजकले जनाएको छ ।

माडी नगरपालिका, वार्ड नम्बर ३ को कार्यालय मुख्य प्रवद्र्धक रहेको प्रतियोगिताको विजेताले उपाधिसहित नगद ४० हजार हात पार्नेछ भने उपविजेताले २० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जानकारी दियो ।