काठमाडौं । केही दिन अघि मात्रै भारतको आइ लिग क्लब किकस्टार्ट एफसीमा आवद्ध भएका नेपालका दुई महिला मिडफिल्डरद्वय सरु लिम्बु र रेनुका नगरकोटीले सिजनको पहिलो जितको स्वाद चाखेका छन् ।

लिगको आफ्नो नवौं खेलमा किकस्टार्टले सेसा एफएलाई ३–० ले पराजित गर्यो । किकस्टार्टको जितमा एमिम, सरु लिम्बु र बेबीसानाले गोल गरेका थिए । खेलमा सरु बाहेक रेनुका नगरकोटीले पनि टोलीका लागि पहिलो रोजाई मै रहेर खेले ।

यो जितपछि ९ खेलबाट १० अंक जोडेको किकस्टार्ट लिगतालिकाको छैठौं स्थानमा छ । पराजित सेसा एफए भने १ अंकका साथ पुछारमा छ । शिर्ष स्थानमा भने अपराजित रहँदै २७ अंकका साथ ईस्ट बंगाल रहेको छ ।