काठमाडौं । नेपाली राष्ट्रिय महिला फुटबल टोलीका तीन सदस्यहरु हिरा भुजेल, अनिता बस्नेत र निशा थोकरले मलेसियामा व्यवसायीक फुटबल खेल्ने भएका छन ।

उनीहरुलाई रेड इगल्स सकर क्लबले अनुबन्ध गरेको छ । क्लबले यी तीन खेलाडीहरुलाई अनुबन्ध गरेको कुरा आफ्नो सामाजिक सञ्जाल मार्फत समेत जानकारी गराएको छ ।

स्मरण रहोस, मलेसियन राष्ट्रिय महिला लिग गत जुन १३ तारीखदेखी शुरु भईसकेको छ । साथै लिग अक्टोबर अन्तिमसम्म चल्नेछ ।

लिगमा कुल ६ टोलीहरु सहभागी छन । लिगकम नकआउटका आधारमा हुने प्रतियोगिताको शिर्ष चार टोलीहरु सेमिफाइनलमा प्रवेश गर्नेछन ।