काठमाडौं (एजेन्सी) । युरोपियन मुलुक लिथुआनियामा फिफा फुटसल विश्वकपको नवौं संस्करण आइतबारदेखि शुरु भएको छ ।

प्रतियोगिताको पहिलो दिन समूह बी तर्फ गत संस्करणको उपविजेता रसियाले इजिप्टमाथि ९–० को जित निकाल्यो । समूह बी मै रहेको एसियाली राष्ट्र उज्वेकिस्तानले ग्वाटेमालासँग ५–४ को पराजय बेहोर्यो ।

त्यस्तै समूह ए तर्फ कजाखस्तानले कोस्टारिकालाई ६–१ ले हरायो भने सोही समूहमा रहेको आयोजक लिथुआनियाले भेनेजुएलासँग १–२ को हारको सामना गर्नुपर्यो ।

प्रतियोगितामा एसियाबाट इरान, जापान, उज्वेकिस्तान, थाइल्याण्ड र भियतनामले सहभागिता जनाउँदै छन् । प्रतियोगितामा सहभागि कुल २४ टोलीहरुलाई ६ समूहमा विभाजन गरिएको छ । प्रत्येक समूहको शिर्ष दुई टोली र तेस्रो स्थान हासिल गर्ने उत्कृष्ट ६ टोली प्रिक्वाटरफाइनलमा प्रवेश गर्नेछन् ।

अक्टुबर ३ तारीखसम्म चल्ने प्रतियोगिताको गत संस्करणको उपाधि दक्षिण अमेरिकी राष्ट्र अर्जेन्टिनाले पहिलोपटक जित्न सफल भएको थियो ।

🔥 Chishkala on fire as RFU win 9-0
🚢 Douglas unplayable as Kazakhstan cruise
🙌 Aguilar creates ecstasy in Guatemala
⚽️ Venezuela strike late to sink hosts

📰 We review a thrilling Matchday 1 at the #FutsalWC 👇https://t.co/6k6RRCLi3e pic.twitter.com/86SDZVNx7i

— FIFA.com (@FIFAcom) September 12, 2021