हरिवन । ‘लागुऔषध विरुद्धको बोल, खेलाडी उत्पादनमा जोड’ भन्ने नारासहित यही भदौ २० गतेदेखि शुरु हुन गईरहेको प्रथम दनुवारी कप नकआउट फुटबल प्रतियोगिताको तयारी पूरा भएको छ ।

हरिवन–९, दनुवारी स्थित स्थानीय खेलमैदानमा हुने प्रतियोगिताको उद्घाटन खेलमा जुनतारा युवा क्लब र गोर्खा फुटबल क्लब भिड्ने पनि आयोजकले प्रकाशित खेलतालिकामा उल्लेख छ ।

प्रतियोगिताको विजेताले उपाधिसहित नगद ४० हजार हात पार्नेछ भने उपविजेताले २० हजारसहित ट्रफी, मेडल र प्रमाणपत्र प्राप्त गर्नेछ । व्यक्तिगत विधातर्फ पनि उचित पुरस्कारको व्यवस्था गरिएको आयोजकले जानकारी दियो ।

योङ ब्वाईज, दनुवारीको आयोजनामा हुन गईरहेको प्रतियोगिताको फाइनल खेल भने आगामी असोज १४ गतेका दिन हुनेछ ।