काठमाडौं । नेपालीहरुको महान पर्व बिजया दशमीको पावन अवसर पारेर यूथ सपोटिङ्ग फूटबल क्लबको आयोजनामा आयोजित ‘पिआर तेस्रो दसैँ कप- २०२३’को उपाधी रोयल गोर्खा फुटबल क्लबले जितेको छ ।

सन् २०१९ मा स्थापना भएको युथ स्पोर्टिङ क्लबले आयोजना गर्ने दसैँ कपको यो तेस्रो संस्करण हो। यस पटकको प्रतियोगिता दुबईको ‘डल्सको स्पोर्ट्स कम्प्लेक्स’मा संचालन भएको थियो ।

फाईनल खेलमा रोयल गोर्खाले लालिगुराँस फूटबल क्लबलाई १-० गोलको अन्तरमा पराजित गरेको हो । प्रतियोगितामा लालिगुराँस फूटबल क्लब उपविजेता बनेको छ । खेलमा अनुशासित समूहको पुरस्कार यूनाईटेड यूथ क्लबले हाता पारेको छ । 

प्रतियोगितामा१६ समूहको सहभागिता रहेको थियो । विजेताले ट्रफी र प्रमाणपत्रसँगै ४ हजार २ सय दिराम र उपविजेताले २ हजार ८ सय दिराम (नेपाली रुपैयाँ करिब डेढ लाख र एक लाख) पुरस्कार पाएको छ।

यसैगरि प्रतियोगितामा रोयल गोर्खाका अनिश सर्वाेत्कृष्ट खेलाडी, लालिगुराँस फूटबल क्लबका बिकास सर्वाधिक गोलकर्ता र उत्कृष्ट गोलरक्षक रोयल गोर्खाका सुबाश भएका छन् ।