इन्द्रसरोवर । इन्द्रसरोवर गाउँपालिका वडा नम्बर २ को आर्थिक सहयोगमा सम्पन्न नाटेश्वरी कप खुला नकआउट फुटबल प्रतियोगिताको उपाधि आयोजक नाटेश्वरी युवा क्लबले जितेको छ ।

गोलटार खेलमैदानमा भएको फाइनल भिडन्तमा आयोजक नाटेश्वरी युवा क्लबले लालिमा युवा क्लब, फाखेललाई ३–१ ले हराउदै उपाधिमाथि कब्जा जमाउन सफल भएको हो । त्यस्तै सिस्नेरी (ए) टिमले तेस्रो स्थान हासिल गर्यो ।

विजेता बनेको नाटेश्वरीले उपाधिसहित नगद ५० हजार ट्रफी, मेडल र प्रमाणपत्र हात पार्यो भने उपविजेता लालिमाले नगद ३० हजार सहित ट्रफी, मेडल र प्रमाणपत्र प्राप्त गर्यो । त्यस्तै तेस्रो बनेकोे सिस्नेरी (ए) ले नगद २० हजार सहित ट्रफी, मेडल र प्रमाणपत्रमा चित्त बुझायो ।

नाटेश्वरी युवा क्लब, सुलिकोटको आयोजनामा कार्तिक १५ गतेदेखि शुरु भएको प्रतियोगितामा पालिकाको ५ बटै वडाका कुल १० टिमहरुले सहभागी जनाएको आयोजकले जानकारी दियो ।