काठमाडौ (एजेन्सी) । कतारमा जारी एएफसी यु-२३ एसियन कपतर्फ दावेदार टोलीहरु जापान, दक्षिण कोरिया, साविक विजेता साउदी अरेबिया र थाइल्यान्डले विजयी शुरुवात गरेका छन ।

समूह बी मा रहेका जापान र कोरियाले विजयी शुरुवात गर्ने क्रममा समान अन्तरको जित निकाले । जापानले चीनलाई र कोरियाले युएईलाई समान १-० ले हराउँदै तीन अंक जोड्यो ।

समूह चरणतर्फ आफ्बो दोस्रो खेलमा १९ अप्रिलका दिन जापानले युएईको सामना गर्नेछ भने सोही दिन कोरियाले चीनसँग खेल्नेछ ।

त्यस्तै समूह सी मा रहेको साविक विजेता साउदीले तजिकिस्तानमाथी ४-२ को प्रभावशाली जित निकाल्यो । सोही समुहको अर्को खेलमा थाइल्यान्डले इराकलाई २-० ले स्तब्ध बनायो ।

समूह चरणतर्फ आफ्बो दोस्रो खेलमा १९ अप्रिलका दिन इराकले ताजिकिस्तानको सामना गर्नेछ भने सोही दिन साउदीले थाइल्यान्डसँग खेल्नेछ ।