काठमाडौं । शहिद स्मारक सी डिभिजन लिग अन्तर्गत सानेपा क्लबले साँघुरो र महत्वपूर्ण जित हात पारेको छ ।

सातदोबाटो स्थित एन्फा कम्प्लेक्स्मा आइतबार भएको एक मात्र खेलमा सानेपाले खालीबारी युथ क्लबमाथि शून्यका विरुद्ध १ गोलको झिनो अन्तरको जित निकालेको हो ।

सानेपाको जितमा पेम्बा दोर्जे लामाले एक मात्र निर्णायक गोल गरे र टोलीको खातामा महत्वपूर्ण तीन अंक जोड्न पनि निर्णायक भूमिका खेले ।

यो जितपछि ७ खेलबाट १० अंक जोडेको सानेमा लिगतालिकाको छैठौं स्थानमा उक्लेको छ । उता पराजित खालीबारी भने ८ अंकका साथ नवौं स्थानमा छ ।