काठमाडौ । नेपाल टाइगर एफसी, युएईको आयोजनामा सम्पन्न भएको तेस्रो टाइगर कपको उपाधी लमजुङ एफसीले जितेको छ । दुबईको याला स्पोर्ट्समा भएको फाइनल भिडन्तमा मेचीमहाकाली एफसीलाई शुन्यका विरुद्ध १ गोलले पराजित गर्दै लमजुङ च्याम्पियन बनेको हो ।

विजेता बनेको लमजुङ्ले उपाधी सहित नगद ४,४४४ युएई दिराम हात पार्यो भने उपविजेता मेचीमहाकालीले २,२२२ दिराम सहित ट्रफी, मेडल र प्रमाणपत्रमा चित्त बुझाउन बाध्य बन्यो ।

व्यक्तिगत विधातर्फ लमजुङका बिशन सर्वोत्कृष्ट खेलाडी घोषित भए । मेचीमहाकालीका दर्शन उत्कृष्ट गोलरक्षक बन्दा सर्वाधिक गोलकर्ताको पुरस्कार लमजुङका फिन्जो आले मगरले हात पारे । त्यस्तै युथ स्पोर्टिङ एफसी फेयर प्ले टिम बन्यो ।

खेलप्रेमी समाजसेवी ममता गुरुङ सम्मानित

सोही अवसरमा आयोजक क्लबले खेलकुदसँगै युएईमा रहेका प्रवाशी नेपालीहरुलाई हरतरहले सहयोग र समर्थन गर्ने खेलप्रेमी तथा समाजसेवी ममता गुरुङलाई पनि सम्मान गरेको थियो । प्रवासमा रहेर पनि नेपालीहरुको हकहितमा सधै उर्जावान भएर लागि पर्ने गुरुङलाई आयोजकले आभार तथा धन्यवाद समेत प्रकट गर्यो ।

सम्मानित भएपछी सोही अवसरमा बोल्दै गुरुङले यो सम्मानले आफुलाई निकै खुशी र हौसला मिलेको बताईन । प्रवासमा सबै नेपालीहरु आफ्नै घरपरिवार सरह रहेको स्मरण गर्दै उनले आउने दिनहरुमा पनि आफुले सकेको गर्ने बताईन ।