निलकण्ठ । थर्पु युवा क्लब र मेन्दोफोले युवा क्लब यहाँ जारी कुपा कप खुला नकआउट फुटबल प्रतियोगिताको फाइनलमा भिड्ने भएका छन् । एकै दिन सम्पन्न दुई सेमिफाइनलतर्फ थर्पु र मेन्दोफोलेले समान अन्तरको जित निकाल्दै फाइनल भेट पक्का गरेका हुन् ।

प्रतियोगिताको पहिलो सेमिफाइनलतर्फ थर्पुले छोइलिङ युवा क्लबलाई शून्यका विरुद्ध ४ गोलको अन्तरले हरायो । त्यस्तै दोस्रो सेमिफाइनलतर्फ मेन्दोफोलेले अमृत जलकुन्नीलाई समान ४–० को अन्तरले हराउँदै उपाधि नजिक पुग्न सफल भएको हो ।

कुपा समाज, निलकण्ठ–१४, धादिङको आयोजनामा जारी प्रतियोगिताको कार्तिक १ गते हुने फाइनलमा थर्पु युवा क्लब र मैन्दोफोले युवा क्लब उपाधिका लागि भिड्ने आयोजकले जानकारी दियो ।

प्रतियोगिताको विजेताले उपाधिसहित नगद ६६,६६६ रुपैयाँ हात प ार्नेछ भने उपविजेताले ३३,३३३ रुपैयाँसहित ट्रफी, मेडल र प्रमाणपत्र प्राप्त गर्नेछ । त्यस्तै सेमिफाइनलमा पराजित भएका दुई टोलीहरुले जनही १०–१० हजार प्राप्त गर्ने पनि आयोजकले जनाएको छ ।