मन्थली । तेस्रो रामेछाप कप खुल्ला पुरुष फुटबल प्रतियोगिता २०८१ को उपाधि आयोजक दीपशिखा ब्जाइज युनाइटेड क्लब मन्थलीले जितेको छ ।  बिहीबार भएको फाइनल खेलमा जिल्ला प्रहरी कार्यालय रामेछापलाई २–० गोलले हराउँदै आयोजक दीपशिखा ब्जाइज युनाइटेडले उपाधि जितेको हो।

उपाधिसँगै दीपशिखा ब्जाइज युनाइटेडले ३ लाख रुपैयाँ प्राप्त गर्‍यो। उपविजेता जिल्ला प्रहरी कार्यालय रामेछापले २ लाख रुपैयाँमा चित्त बुझाउनुपर्‍यो। फाइनल खेलमा पहिलो हाफको १३ औँ मिनेटमा नै दीपशिखा ब्जाइज युनाइटेडले अमित तामाङ्को फ्री–किक मार्फत गोल गरेपछि अग्रता लिएको थियो ।