आठराई । तेह्रथुमको आठराई स्थित छातेढुंगामा सम्पन्न दीपावली मेला अन्तर्गत खुल्ला पुरूष फुटबल प्रतियोगिताको उपाधि लुङछाता एफ सी छातेढुंगाले जितेको छ ।

पोखरी मा.वि.को खेलमैदानमा मंगलबार सम्पन्न फाईनल खेलमा खाम्लालुङलाइ पेनाल्टी सुट आउटमा ३-१ गोलले पराजित गर्दै लुङछाताले उपाधि जितेको हो । निर्धारित समयमा दुवै टिमबाट गोल हुन नसकेपछि नतिजा पेनाल्टि सुटआउट मार्फत निकालिएको थियो ।

उपाधि विजेता लुङछाताले नगद एक लाख पचास हजार सहित तीन वर्षे रनिङ ट्रफी,मेडल र प्रमाण पत्र प्राप्त गर्यो भने उपविजेता खाम्लालुङले एक लाख सहित ट्रफि मेडल र प्रमाण-पत्रमा चित्त बुझायो ।

त्यसैगरी महिला तर्फको उपाधि म्याङलुङ स्पोटिङ क्लब तेह्रथुमले हात पारेको छ। मंगलबार नै सम्पन्न फाइनलमा ओएसिस युनाइटेड हाम्पाङ ताप्लेजुङलाई २-१ गोलले पराजित गर्दै उपाधि जितेको हो ।