बुटवल । उत्कृष्ट जितका साथ देवदह ब्वाईज, देवदह जारी लखन कप खुला नकआउट फुटबल प्रतियोगिताको सेमिफाइनलमा प्रवेश गर्ने दोस्रो टोली बनेको छ ।

तेस्रो क्वाटरफाइनलतर्फ देवदहले इभोलुशन क्लब अफ बुटवल, तामनगरलाई ४-२ ले हराउँदै अन्तिम चारमा प्रवेश गर्न सफल भएको हो ।

बुटवल-७, दिपनगर स्थित सिद्धेश्वरी मैदानमा भएको खेलमा देवदहका लागि मनिष थारुले दुई गोल गरे भने कप्तान सुरज चौधरी र दिपेन सेन ठकुरीले समान १/१ एक गोल गरे । उता पराजित इभोलुशनका लागि दुवै गोल बिनोद केवटले गरेका थिए ।