काठमाडौं । जारी साफ यु–१९ च्याम्पियनसिपको फाइनलमा आयोजक भारत र बंगलादेश उपाधिका लागि भिड्ने भएका छन् । शुक्रबार सम्पन्न दुई सेमिफाइनल खेलहरुमा आ–आफ्नो खेल जित्दै भारत र बंगलादेशले फाइनल स्थान पक्का गरेका हुन् ।

भारतले दोस्रो सेमिफाइनलमा माल्दिभ्समाथि ३–० को जित निकाल्दै फाइनल यात्रा तय गर्यो । त्यस्तै पहिलो सेमिफाइनलमा भने बंगलादेशले नेपाललाई २–१ ले हराउँदै फाइनल स्थान सुरक्षित गरेको थियो ।

फाइनल खेल आउँदो मई १८ तारीख आइतबारका दिन अरुणाचाल प्रदेशको युपिया शहर स्थित गोल्डेन जुब्ली स्टेडियममा भारत र बंगलादेशबीच हुनेछ ।