इटहरी । युनाइटेड क्लब अफ तरहरा जारी पाँचौं मनसुन कप खुला नकआउट फुटबल प्रतियोगिताको फाइनलमा प्रवेश गरेको छ ।

पहिलो सेमिफाइनलमा युनाइटेड क्लब अफ तरहराले सिद्धार्थ युवा समाजलाई २–१ ले पराजित गर्दै उपाधि नजिक पुग्न सफल भएको हो ।

खेलमा युनाइटेड क्लब अफ तरहराका असिम राई प्लेयर अफ द म्याच घोषित भए ।

प्रतियोगिता अन्तर्गत कार्तिक १ गते आइतबारको दोस्रो सेमिफाइनल खेल शान्तिनगर फुटबल क्लब र सोमबारे फुटबल क्लबबीच हुने आयोजकले जानकारी दियो ।