काठमाडौं । नेपालका उदाउँदा स्टार मिडफिल्डर लाकेन लिम्बु चर्चित आई लिग क्लब दिल्ली फुटबल क्लबमा आवद्ध भएका छन् । दिल्लीले उनलाई नयाँ सिजनका लागि अनुवन्ध गरेको हो ।

क्लबले आफ्नो आधिकारिक सामाजिक सञ्जालमार्फत समेत लाकेनलाई अनुवन्ध गरेको कुरा घोषणा गरेको छ । आइ लिगको नयाँ सिजन आउँदो अक्टुबर १९ तारीखदेखि शुरु हुँदैछ ।

गत सिजन दिल्लीले २४ खेलबाट ३५ अंक जोड्दै लिगतालिकाको छैठौं स्थानमा रहेर सिजनको समापन गरेको थियो ।

दिल्लीले लाकेनलाई अनुवन्ध गरे तापनि क्लबसँग लाकेनको सम्झौता अवधि र पारिश्रमिक बारे भने खुलाइएको छैन ।