काठमाडौं । कतारमा भएको एएफसी यु–१७ एसियन कप छनौटतर्फ समूह एफमा रहेको नेपालले समूह चरणको आफ्नो अन्तिम खेलमा पनि हार बेहोरेको छ ।

आइतबार राती सम्पन्न खेलमा नेपालले मंगोलियासँग ०–१ को हार बेहोरेको हो । समूह चरणतर्फ नेपालको यो लगातार तेस्रो हार पनि हो । यसअघि जापानसँग ९–२ र घरेलु टोली कतारसँग ५–० को हार बेहोरेको थियो ।

त्यस्तै समूह एफतर्फको अर्को खेलमा जापानले कतारमाथि ५–० को जित निकाल्दै शतप्रतिशत नतिजाका साथ अर्को वर्ष हुने एएफसी यु–१७ एसियन कप छनौटमा स्थान बनाउन सफल भयो ।

समूह एफमा तीन खेलबाट ९ अंक जोडेको जापान शिर्ष स्थानमा रहँदा ६ अंक जोडेको कतार दोस्रो स्थानमा रह्यो । ३ अंकका साथ मंगोलिया तेस्रो स्थानमा रहँदा अंकविहीन नेपाल पुछारमा रह्यो ।