काठमाडौं । सोमबार सम्पन्न साफ यु–२० महिला च्याम्पियनसिपतर्फ नेपालकी उदियमान फरवार्ड पुर्णिमा राईले सर्वाधिक गोलकर्ता बन्दै गोल्डेन बुट हात पारेकी छिन् ।

प्रतियोगिताभरि कुल १० गोल गरेकी पुर्णिमाले त्यसवापत गोल्डेन बुट हात पारेकी हुन् । प्रतियोगिताको सर्वश्रेष्ठ खेलाडी भने फाइनलमा एक्लैले चार गोल गरेकी बंगलादेशकी मोसम्मत सगोरिका घोषित भईन् । उनले त्यसवापत गोल्डेन बल हात पारिन् ।

त्यस्तै उत्कृष्ट गोलरक्षक पनि घरेलु टोली बंगलादेश कै माइल अक्तर चुनिईन् । त्यसवापत उनले गोल्डेन ग्लोब अवार्ड हात पारिन् । प्रतियोगिताको फेयर प्ले टिम भने श्रीलंका बन्यो ।

स्मरण रहोस, सोमबार सम्पन्न निर्णायक खेलमा नेपालले बंगलादेशससँग ०–४ को हार बेहोरेको थियो । बंगलादेशको जितमा चारै गोल सगोरिकाले गरेकी थिईन् ।