काठमाडौं । बुधबारदेखि भुटानमा शुरु भएको एएफसी यु-२० महिला एसियन कप छ्नौटतर्फ नेपालकै समुहमा रहेको डिफेन्डिङ च्याम्पियन उत्तर कोरियाले फराकिलो जितका साथ प्रतियोगितामा विजयी शुरूवात गरेको छ ।

थिम्पुमा सम्पन्न समूह ए तर्फको पहिलो खेलमा उत्तर कोरियाले साउदी अरेबियामाथी १५-० को एकतर्फी जित हात पारेको हो । समूह चरणको दोस्रो खेलमा उत्तर कोरियाले ८ अगस्तका दिन आयोजक भुटानसँग खेल्नेछ भने सोही नेपालले साउदी अरेबियाको सामना गर्नेछ ।

स्मरण रहोस, छ्नौट प्रतियोगिता अन्तर्गत नेपालले आजै हुने आफ्नो पहिलो खेलमा आयोजक भुटानको सामना गर्दैछ । जुन खेल नेपाली समय अनुसार ५:४५ बजे शुरु हुनेछ ।