काठमाडौं । नेपाली राष्ट्रिय महिला फुटबल टोलीकी मिडफिल्डर दीपा शाहीले पनि बंगलादेशी क्लबबाट खेल्ने भएकी छिन् । दीपालाई नसरीन स्पोर्टस एकेडेमीले नै अनुवन्ध गरेको हो ।

बंगलादेशी क्लबमा आवद्ध हुने दीपा तेस्रो नेपाली महिला खेलाडी समेत बनेकी छिन् । नसरीन त्यही क्लब हो जहाँ नेपाली महिला फुटबल टोलीकी अन्य दुई सदस्यद्वय पुजा राना र समिक्षा घिमिरे पनि आवद्ध छन् । नसरीनले पुजा र समिक्षालाई केही दिन अघि मात्रै अनुवन्ध गरेको थियो ।

 स्मरण रहोस, बंगलादेशी लिग च्याम्पियन नसरीन डिसेम्बर ५ तारीखदेखि नेपाल मै आयोजना हुन गईरहेको साफ महिला क्लब च्याम्पियनसिपको तयारीमा छ ।