काठमाडौं । थाइल्याण्डमा जारी साफ महिला फुटसल च्याम्पियनसिपतर्फ नेपालले आफ्नो पाँचौं खेलमा दोस्रो जित हात पारेको छ । बुधबार भएको खेलमा नेपालले पाकिस्तानमाथि ५–१ को जित हात पारेको हो ।

उपाधि होडबाट लगभग बाहिरिसकेको नेपालले आफ्नो अन्तिम खेल २५ जनवरीका दिन भुटानसँग खेल्नेछ । भुटानले बुधबार नै भएको अर्को खेलमा माल्दिभ्सलाई ४–२ ले पराजित गर्यो । त्यस्तै उपाधि होडमा रहेको बंगलादेशले श्रीलंकामाथि ६–३ को जित हात पार्यो ।

बुधबारको खेलपश्चा्त ४ खेलबाट १० अंक जोडेको बंगलादेश शिर्ष स्थानमा छ । समान खेलबाट ९ अंक जोडेको भारत दोस्रो स्थानमा रहँदा समान ५ खेलबाट ७–७ अंक जोडेका नेपाल र पाकिस्तान क्रमशः तेस्रो र चौथो स्थानमा छन् ।