काठमाडौं । एन्फा राष्ट्रिय लिग फुटबल प्रतियोगिता अन्तर्गत सोमबार भएको दिनको दोस्रो खेलमा विभागीय टोली नेपाल पुलिस क्लबले साँघुरो अन्तरको संघर्षपुर्ण जित हात पारेको छ ।

एन्फा कम्प्लेक्स मै भएको खेलमा पुलिसले श्री भगवती क्लबलाई १–० को झिनो अन्तरले हराउँदै महत्वपूर्ण तीन अंक जोड्यो । स्मरण रहोस, लिगमा पुलिसको यो पहिलो जितसमेत हो ।

त्यसअघि सोमबार नै भएको पहिलो खेलमा मनाङ मस्र्याङ्दी क्लबले पनि पहिलो जित दर्ता गर्ने क्रममा काँक्रेबिहार क्लबलाई ५–१ को अन्तरले पराजित गरेको थियो ।