काठमाडौं । एन्फा राष्ट्रिय लिग फुटबल प्रतियोगिता अन्तर्गत सोमबार भएका शुरुवाती दुई खेलहरुमा एक खेल बराबरीमा सकिदा र अर्को खेमा लालीगुराँस एसोसिएशनले जित हात पारेको छ ।

एन्फा कम्प्लेक्समा भएको खेलमा सातदोबाटो युथ क्लब र विभागीय टोली नेपाल पुलिस क्लबले २–२ गोलको बराबरी खेल्दै अंक बाँडेका छन् । यो नतिजापछि ११ खेलबाट ९ अंक जोडेको पुलिस लिगतालिकाको १२औं स्थानमा छ भने सातदोबाटोको पनि समान ९ अंक छ र गोलभिन्नताले पछि पर्दै १३औं स्थानमा छ ।

त्यस्तै दशरथ रंगशालामा भएको दिनको दोस्रो खेलमा लालीगुराँसले प्लानिङ ब्वाईज युनाइटेडलाई ३–२ ले हराउँदै महत्वपूर्ण तीन अंक जोड्न सफल भयो । यो नतिजापछि १२ खेलबाट २४ अंकका साथ लालीगुराँस लिगतालिकाको तेस्रो स्थानमा छ । पराजित प्लानिङ ब्वाईज भने २२ अंकका साथ चौथो स्थानमा छ ।