काठमाडौं । अखिल नेपाल फुटबल संघ (एन्फा) को आयोजनामा जारी एन्फा राष्ट्रिय पुरुष फुटबल प्रतियोगिता तथा केही दिन अघि मात्रै शुरु भएको शहिद स्मारक महिला लिग फुटबल प्रतियोगिता स्थगित भएको छ ।

एन्फाले बिहीबार आधिकारिक पत्र जारी गर्दै एन्फा राष्ट्रिय लिग र शहिद स्मारक महिला लिग अर्को सूचना जारी नहुँदासम्मका लागि स्थगित गरिएको जानकारी गराएको छ । यद्यपि स्थगित गर्नुको स्पष्ट कारण नखुलाए तापनि एन्फाले प्राविधिक कारणवश स्थगित गरिएको पत्रमा उल्लेख गरेको छ ।

उता केही सञ्चारमाध्यमहरुमा प्रकाशित खबर अनुसार हाल जारी लिगमा केही विदेशी खेलाडीहरुले श्रम स्वीकृति नलिई खेलेको पाइएकाले र त्यसबारे उजुरी पनि परेकाले अध्यागमन विभागले एन्फालाई पर्यटक भिषामा रहेका खेलाडीहरुलाई व्यवसायीक रुपमा खेल गतिविधीहरुमा संलग्न नगराउन पत्राचार गरेको बताइएको छ ।

हेर्नुहोस एन्फाको पत्रः