भोजपुर । भोजपुर जिल्ला फुटबल सङ्घको आयोजनामा भोजपुर रङ्गशालामा जारी ९ औं मेयर भोजपुर गोल्डकपको तेस्रो क्वाटरफाइनल अन्तर्गत सातदोबाटो युथ क्लब ललितपुर र केपिलासगढी गाउँपालिका खोटाङ बुधबार प्रतिस्पर्धा गरेका छन्। उक्त खेलमा केपिलासगढी खोटाङलाई ३–० गोल अन्तरले पराजित गर्दै सातदोबाटो ललितपुरले सेमीफाइनलमा स्थान सुरक्षित गरेको हो। सातदोबाटोको जितमा विकास दर्लामी मगर, समिर तामाङ र प्रज्वल चौधरीले समान एक एक गोल गरेका हुन्।

उक्त खेलको म्यान अफ दि म्याच सातदोबाटकै राज भुसाल बन्दा नगद रु.५००० सहित ट्रफि प्राप्त गरे। बुधबार प्रतियोगिताको अन्तिम क्वार्टरफाइनलमा द गोर्खाज फुटबल एकेडेमी उदयपुरले प्लानिङ बोइज युनाइटेड काठमाडौँको सामना गर्नेछ।