भोजपुर । यहाँ सम्पन्न नवौं ेमेयर भोजपुर गोल्डकप खुला नकआउट फुटबल प्रतियोगिताको उपाधि आयोजक भोजपुर जिल्ला फुटबल संघले जितेको छ ।

शनिबार भएको फाइनलमा भोजपुरले सातदोबाटो युथ क्लब, ललितपुरलाई २–१ ले हराउँदै उपाधि उचाल्न सफल भएको हो । विजेता बनेको भोजपुरले उपाधिसहित नगद ५ लाख हात पार्दा उपविजेता सातदोबाटोले ३ लाखमा चित्त बुझायो ।

भोजपुरका सन्तोष तामाङ फाइनल खेलको प्लेयर अफ द म्याच बने । उनले त्यसवापत नगद ५ हजार र ट्रफी हात पारे । त्यस्तै उत्कृष्ट गोलरक्षक भोजपुर कै समिर क्षेत्री बने । उत्कृष्ट प्रशिक्षक पनि भोजपुर कै बिनम श्रेष्ठ बने ।

सर्वाधिक गोलकर्ताको पुरस्कार भोजपुरका दोर्जे तामाङ र सातदोबाटोका समिर तामाङले संयुक्त रुपमा हात पारे । प्रतियोगिताको सर्वश्रेष्ठ खेलाडी भने भोजपुरका बिबेक राई घोषित भए ।